ДКО: Гюлеш, гуштини милли камарбанди жана хапсагай күрөштөрү жыйынтыкталды

Дүйнөлүк көчмөндөр оюндарынын алкагында өтүп жаткан күрөштүн гюлеш, гуштини милли камарбанди жана хапсагай түрлөрү боюнча мелдештер жыйынтыкталды. Бул тууралуу Дене тарбия жана спорт мамлекеттик агенттиги билдирди.

Маалымдалгандай, мелдештер кечээ, 4-сентябрда Ысык-Көлдүн Чолпон-Ата шаарында өткөн. Гюлештен кыргыз балбаны Айбек Касманбетов коло байге утса, гуштини милли камарбандиден Кайратбек Тойчуев да коло медаль тагынды. Ал эми хапсагай күрөшүнөн кыргыз балбаны байгелүү орунга илине алган жок.

Автор: Кылымбек Бейшеев