Ошто бир катар коомдук транспорттордун каттамы өзгөрдү

Ош шаарында бир катар коомдук транспорттун каттамдарына өзгөртүүлөр киргизилди. Бул тууралуу бүгүн, 9-сентябрда шаар мэриясынан маалымдашты.

Маалымдалгандай, мындай чечим №1 жана №2 жаңы айланма муниципалдык автобус каттамдары ишке киргизилгенине байланыштуу кабыл алынды. Буга байланыштуу №10, №24 автобустардын, №101, №102, №107, №108, №120, №131, №133, №135, №141, №146, №150, №151 кичи автобустардын каттамы өзгөртүлдү.

Айрым каттамдар жолдор толук бүткөндөн кийин жаңы багыттар боюнча жүрө баштайт. Ал эми №1 жана №2 муниципалдык айланма автобустар шаарга келгенден кийин ишке киргизилет.

Автор: Меерим Кабылова