Бүгүн Эл аралык сулуулук күнү: Бул майрам качан пайда болгон?

Бүгүн, 9-сентябрда дүйнө жүзүндө Эл аралык сулуулук күнү белгиленет. Бул күндү белгилөө демилгеси сулуулук жана косметология тармагындагы адистерди бириктирген CIDESCO - Эл аралык эстетика жана косметология комитетине таандык.

1995-жылы Дүйнөлүк конгрессте 9-сентябрды Дүйнөлүк сулуулук күнү катары белгилөө чечими кабыл алынган. Бул күнү сулуулукка арналган иш-чаралар, анын ичинде ар кандай сулуулар сынактары өткөрүлөт.

Тарыхый маалыматтарга караганда, дүйнөдөгү алгачкы сулуулар сынагы 1888-жылдын сентябрь айында Бельгияда өткөн.

Сулуулук түшүнүгү бир гана сырткы келбет менен чектелбейт. Адамдын өзгөчөлүгү, өзүнө болгон ишеними жана ички дүйнөсү да сулуулуктун маанилүү бөлүгү катары каралат.

Автор: Үммүгүлсүн Кеңешбекова