"Сенден коркуп жатабыз". Царикаевдин рейди талаш-тартыш менен өттү

Бүгүн, 18-сентябрда Бишкек мэриясынын муниципалдык инспекциясы Кудайберген базарында рейд жүргүзүлгөнүн кабарлап, ошол учурда тартылган видео тасманы жарыялады.

Кыдыруу учурунда аталган кызматтын башчысы Мирлан Таалайбековдон (Царикаев) жазганып жатышканын айткан адамдар болгон. Алардын бири Таалайбековду көргөндө айта турган сөзүн унутуп калып жатканын билдирип, "сенден коркуп жатабыз" деген. Кадрга муниципалдык инспекциясынын башчысы кээ бир адамдар менен талашып-тартышканы да түшүрүлгөн.

Маалым болгондой, рейддин жүрүшүндө уруксат берилбеген жерлерге жарнама баннерлеринин орнотулганы аныкталган. Эреже бузуулар боюнча административдик протоколдор түзүлүп, айып пулдар салынган.