Канада менен Франция биргелешкен космостук программа түзөрү айтылууда

Канаданын премьер-министри Марк Карни менен Франциянын президенти Эммануэль Макрон космостук инфраструктура жана бизнес жаатында кызматташуу боюнча макулдашты. Бул тууралуу бүгүн, 21-сентябрда чет өлкөлүк маалымат каржаттары билдиришти.

Маалыматка ылайык, эки өлкөнүн тиешелүү мекемелерине спутниктерди учуруу системдерин жана жердеги кабыл алуу объекттерин биргелешип иштеп чыгуу тапшырылат.

Ошондой эле тараптар энергетика, экономикалык өсүш жана климаттын өзгөрүшүнө каршы туруктуулук боюнча кызматташтыкты кеңейтет.

Автор: Үммүгүлсүн Кеңешбекова