Автобус айдаган айдоочулардын айлыгы өзгөрүшү мүмкүн

Бишкекте коомдук транспорттун айдоочуларына эмгек акы төлөөнүн жаңы системи киргизилип жатат. Бул тууралуу мэрия 24-сентябрда билдирди.

Ага ылайык, эмгек акынын өлчөмү белгиленген эмгек талаптарынын аткарылышына, жумуш убактысынын нормасынын сакталышына жана иштин сапатына жараша аныкталат.

Тактап айтканда, айдоочунун ишине байланыштуу даттануу келип түшүп, анын негиздүүлүгү тастыкталса, эмгек акынын өлчөмү 20 пайызга чейин азайтылышы мүмкүн. Ошондой эле белгиленген жумуш убактысынын нормасы аткарылбаган учурда төлөмдүн өлчөмүн азайтуу каралган.