Казакстанда машыгуу учурунда 9 аскер каза болду

Бүгүн, 24-сентябрда Казакстандын Маңгыстау облусунда Каспий деңизинин жээгиндеги аскердик машыгуу учурунда кырсык болуп, 9 аскер каза болду. Бул тууралуу чет элдик басылмалар маалымдашты.

Казакстандын Коргоо министрлигинин маалыматына караганда, аскерлер окуу-аскердик тапшырманы аткарып жаткан учурда аба ырайы кескин өзгөрүп, катуу шамал болгон. Натыйжада 19 аскерди деңиз толкуну агызып кеткен.

Алардын үчөө куткарылып, бир аскер ооруканага жеткирилген. Учурда дайынсыз жоголгон жети аскерди издөө иштери жүрүп жаткандыгы белгилүү болду.

Автор: Үммүгүлсүн Кеңешбекова