Кыргыз аскерлери ЖККУнун биргелешкен машыгууларына катышууда

Кечээ, 27-сентябрда Орусиянын Чебаркуль полигонунда Жамааттык коопсуздук келишими уюмуна мүчө мамлекеттердин биргелешкен машыгууларынын ачылыш аземи болуп өттү.

Иш-чарага ЖККУ бириккен штабынын башчысы Андрей Сердюков, ЖККУнун башкы катчысынын орун басары Мирлан Тургунбеков, аскердик контингенттердин башчылары жана өздүк курамы катышты.

Машыгууларга өлкөнүн Коргоо министрлигинин аскердик контингенти катышууда.

Жалпысынан иш-чарага 2000ден ашык аскер кызматчылар жана 350 ашык курал-жарак, аскердик техника жана атайын жабдуулар тартылган. Машыгуулар 3-октябрга чейин уланат.