Кыргызстандын жаштар курама командасы Италиянын Езоло шаарында өткөн кикбоксинг боюнча Дүйнө чемпиондугунда 4 медал жеңди. Бул тууралуу кечээ, 27-сентябрда Дене тарбия жана спорт мамлекеттик агенттиги билдирди.
Маалыматка ылайык, 18-27-сентябрда өткөн мелдешке 80 өлкөдөн спортчулар катышкан.
Абуубакр Алимов 48 килограмм чейинки салмакта чемпион аталып, алтын медал алды. Даниэль Дрожжаков (57 килограмм) жана Самир Лю (67 килограмм) күмүш, ал эми Рабия Исраилова (44 килограмм) коло медалга ээ болду.