Бишкекте 80 жаштагы аял ири өлчөмдөгү алдамчылыкка шектелип кармалды

Бишкек шаарында 80 жаштагы чет өлкөлүк аял ири өлчөмдөгү алдамчылыкка шектелип кармалды. Бул тууралуу 28-сентябрда шаардык милициядан билдиришти.

Маалымдалгандай, шектүү 2017-жылы Б.Н. аттуу жаран чет өлкөлүк жаран менен биргеликте ЖЧК түзүшкөн. Чет өлкөлүк жаран андан 30 миң долларды 6 тонна дары чөптү жана 11 миң 500 долларды шприцтерди жеткирип берүү үчүн алып, из жашырган.

Бул факт боюнча Кылмыш-жаза кодексинин 209-беренеси боюнча кылмыш иши козголгон. Тергөөнүн алкагында шектүү кармалып, убактылуу кармоочу жайга киргизилди.

Милиция аталган адамдан жабыркаган жарандарды ички иштер органдарына кайрылууга же 102 номерине кабарлоого чакырат.

Автор: Меерим Кабылова