ЖЫЛНААМА, 28-сентябрь: Эл артисти Саламат Садыкова 70 жашта

Бүгүн, 28-сентябрда кыргыз сахнасынын белгилүү өкүлү, Кыргыз Республикасынын Эл артисти Саламат Садыкованын туулган күнү. Ырчы 1956-жылы Баткен облусунда төрөлгөн.

Ал жаш кезинен эле музыкага кызыгып, ырчылык өнөргө аралашкан. Кийин кыргыз сахнасында өзүнүн өзгөчө ордун таап, көпчүлүктүн сүймөнчүлүгүнө ээ болгон.

Ырчыга “Тогуз кайрык” телесынагындагы “Кыздын ыры” чыгармасы чоң сахнага жол ачкан. Саламат Садыкованын өзгөчө үнү жана аткаруу чеберчилиги көпчүлүктүн көңүлүн буруп, жылдар бою кыргыз угармандарынын сүймөнчүлүгүнө ээ болуп келет.

Ырчынын репертуарында 300дөн ашуун чыгарма бар. Алардын арасында “Кыргыз жери” аттуу чыгарма эл арасында кеңири тараган.

Саламат Садыкова — “Кыргыз Республикасынын эл артисти” наамынын, III даражадагы “Манас” орденинин, “Кыргыз Республикасынын сыймыгы” төш белгисинин жана башка көптөгөн сыйлыктардын ээси.

Ырчынын чыгармачылык жолу бүгүнкү күнгө чейин уланып, кыргыз сахнасында өзгөчө из калтырган өнөрпоз катары бааланып келет.

Бүгүн, 28-сентябрда Саламат Садыкова 70 жашка толду. Өнөрпозду 70 жылдык мааракеси менен куттуктайбыз!

28-сентябрга карата жылнаама.