Бишкекте боёк цехинен чыккан өрт чектөөгө алынды

Бишкек шаарынын Октябрь районундагы Ч. Валиханов көчөсүндө жайгашкан боёк цехинен өрт чыкты. Бул тууралуу Өзгөчө кырдаалдар министрлигинин басма сөз кызматы билдирди.

Маалыматка ылайык, өрт тууралуу билдирүү 29-сентябрда түшкөн. Өрттү өчүрүүгө саат 16:50дө алты күжүрмөн эсеп, автошаты жана штаб тартылган.

Өрт саат 17:57де чектөөгө алынган. Алдын ала маалымат боюнча, тилсиз жоонун аянты болжол менен 1000 чарчы метрди түзгөн.

Учурда өрттүн келип чыгуу себептери такталууда. Жабыркагандар жок.

Автор: Айзада Кыдырмышева