Президенттикке талапкерлердин телефон номерлери интернеттен табылганы айтылды

Францияда президенттикке талапкерлердин жеке маалыматтары интернетке чыгып кеткени аныкталды. Бул тууралуу RTL радиостанциясы жазды.

Маалыматка караганда, Марин Ле Пен, Жан-Люк Меланшон жана Эдуар Филипп сыяктуу саясатчылардын телефон номерлерин пираттык издөө сайттарынан табууга болот.

Мындан тышкары, айрым талапкерлер боюнча туулган күнү, унаасынын мамлекеттик номери, спорттук федерацияларга мүчөлүгү жана социалдык камсыздандыруу номери сыяктуу маалыматтар да көрсөтүлөт.

RTL белгилегендей, мындай сайттар маалыматтарды акы төлөнүүчү негизде сунуштап, колдонуучуларга сыноо мөөнөтүн берет.

Францияда кийинки президенттик шайлоо 2027-жылы өтөт. Биринчи тур 18-апрелде, экинчи тур 2-майда өтүшү белгиленген.

Автор: Айзада Кыдырмышева