Асан Жанышов Азия оюндарындагы атаандаштары тууралуу айтты

XX Азия оюндарында грек-рим күрөшү боюнча күмүш медалга ээ болгон кыргыз балбаны Асан Жанышов атаандаштары тууралуу айтты.

Балбан кыргыз элине колдоо көрсөткөндүгү үчүн ыраазычылык билдирип, атаандаштары жакшы даярдыкта барышканын белгиледи.

"Мелдештин биринчи айлампасында өзбек балбаны, кийин казак балбаны менен күрөштүм. Экинчи орун насип экен.

Бардык өлкөнүн балбандары жакшы даярдык менен келишиптир. Азия оюндарына 5 ай даярдандык. Бул жолу биринчи жолу катышып жатам. Жеңишимди элиме арнайм!" - деди балбан.

Айта кетсек, ал финалдык беттеште япониялык атаандашына 1:11 эсебинде утулган.