Москвада мигранттар полициядан кантип жашынышат? Соцтармакка тараган видео талкууда

Бүгүн, 9-октябрда социалдык тармактарда курулушта иштеген мигранттарды текшерүү учуру тартылган видео тарады. Курулушчулардын арасында кыргызстандыктар да бар экени айтылууда.

Кадрлардан айрым адамдар бийик курулуштун үстүнө чыгып, жашынып жатканын көрүүгө болот. Бул видео талкуу жаратып, миграцияда жүргөн жарандардын тагдыры ар кандай учурлар менен котоштолору белгиленүүдө.

Белгилей кетсек, Москвада "Нелегал-2026" федералдык операциясынын экинчи этабы жүрүп жатат. 7-октябрда орусиялык басылмалар жарыялаган маалыматта текшерүүлөр курулуш объекттеринде, базарларда, кампаларда жана чет өлкөлүк жарандар жашаган жайларда жүргүзүлүп жатканы айтылган.