Алмаз Салиев бажы кызматынын төрагалыгынан кетти

Алмаз Салиев Мамлекеттик бажы кызматынын төрагасы кызматынан бошотулду. Бул тууралуу президенттик администрациядан билдиришти.

Маалыматка ылайык, тиешелүү жарлыкка президент Садыр Жапаров кол койду.

Белгилесек, Салиев бажы органдарындагы кызматын 2003-жылдын май айында баштаган. 2025-жылдын 19-февралында Министрлер кабинетинин тескемеси менен Мамлекеттик бажы кызматынын төрагасы болуп дайындалган.

2026-жылдын май айында президент Садыр Жапаров ага "Бажы кызматынын генерал-майору" жогорку атайын наамын ыйгарган.

Автор: Айзада Кыдырмышева