Садыр Жапаров иш сапары менен Баткен жана Ошко барат

Өлкө башчы Садыр Жапаров Баткен жана Ош облустарына иш сапар менен барат. Бул тууралуу президенттин басма сөз катчысы Аскат Алагөзов билдирди.

Ал белгилегендей, мамлекет башчысынын сапары бүгүн, 11-октябрда башталып, эки күнгө созулат.

"Сапардын алкагында президент Баткен облусунун жергиликтүү тургундары менен жолугушууларды өткөрөт. Ошондой эле Ош шаарында Мамлекеттик чек ара кызматынын модернизацияланган объектилери менен таанышат", - деп жазды ал соцтармактагы баракчасына.

Автор: Кылымбек Бейшеев
Фото: Интернеттен алынды