"Манас" эпосун таанытуу долбоору Коргоо министрлигинен башталды

"Манас" улуттук академиясы "Манас" эпосун тармактарга таанытуу" долбоорун Коргоо министрлигинен башталганын билдирди.

Маалымдалгандай, аталган долбоор өлкөдөгү бардык министрликтердин жана агенттиктердин кызматкерлерине тааныштырылмакчы. Коргоо министрлигиндеги иш-чарага министрдин орун басары Алмазбек Кулмурзаев жана министрликтин бөлүмдөрүнүн башчылары катышышкан.

"Долбоор мамлекеттик мекемелердин кызматкерлерин улуу эпостун мазмуну жана андагы баалуулуктар менен тааныштырууга багытталган. Иш-чараларда академия даярдаган санариптик музейлер жана даректүү тасмалар көрсөтүлүп, ар бир мекеменин иш багытына байланышкан эпостогу темалар боюнча атайын презентациялар сунушталат", - деп айтылат анда.

Автор: Кылымбек Бейшеев
Фото: "Манас" улуттук академиясы