Бишкектин айрым аймактарында суу өчүрүлөт

Эртең, 13-октябрда Бишкек шаарынын айрым аймактарында суу убактылуу тоутотулат. Бул тууралуу мэриядан билдирди.

Саат 9:00дөн 00:00гө чейин турак үйлөрдө, мектептерде, мектепке чейинки билим берүү мекемелеринде, саламаттыкты сактоо объектилеринде ошондой эле социалдык-тиричилик жана өнөр жай багытындагы башка объектилерге ичүүчү суу берүү убактылуу токтотулат.

Суу өчүрүлө турган аймактар төмөнкү көчөлөр менен чектелет:

- Алыкулов көчөсү – Костанай көчөсү – Муром көчөсү – Садыгалиев көчөсү – Л. Толстой көчөсү – «Coca-Cola» аймагы;

- Садыгалиев көчөсү – Чүй проспектиси – П. Лумумба көчөсү – Волков көчөсү – Костанай көчөсү, андан ары Алимжан-Ата көчөсү – Чоң Чүй каналы (БЧК) – Ленская көчөсү – Космонавттар көчөсү – Коммунаров көчөсү – Чоң Чүй каналы (БЧК) – Ала-Арча дарыясы – Рыскулов көчөсү – Чүй проспектиси – Пишпек көчөсү – Жамгерчинов көчөсү – Кайназарова көчөсү – Гатчина көчөсүнө бурулуш – П. Лумумба көчөсү – Жамгерчинов көчөсү менен Садыгалиев көчөсүнө чейин;
- «Аскер шаарчасы», «Кызыл-Аскер» конушу, 110-квартал жана «Достук» кичи району.

Анын себеби "Западный" суу топтомосунда жана шаардык суу түтүктөрүндө оңдоо иштерине байланыштуу экени кошумчаланды. Мэрия шаар тургундарды суу камдап алууга чакырат.

Автор: Луиза Анатаева