Манас мэриясы "Тазалыктын" кызматкерлери боюнча билдирүү таратты

"Манас шаарынын мэриясынын "Тазалык" муниципалдык мекемесинин жумушчулары иш ташташты" деген маалымат чындыкка дал келбейт. Бул боюнча калаа бийлиги 13-октябрда билдирүү таратты.

Маалыматка ылайык, нааразычылык билдирген жумушчуларды шаар мэри Уларбек Исмаилов 12-октябрда кабыл алып, алардын көйгөйлөрүн укту.

Мэрдин тапшырмасы менен жумушчулардын кайрылууларын карап чыгуу үчүн атайын комиссия түзүлүп, учурда комиссия алардын дооматтарын жеринде иликтеп жатат.

Айта кетсек, Region телеканалы 12-октябрда "Тазалыктын" кызматкерлери айлык акыга байланыштуу маселелерден улам иш ташташканын кабарлаган.

Автор: Айжанар Рыспек кызы
Фото: интернеттен алынды