Чүй суу чарба башкармалыгында мыйзам бузуулар аныкталды

Чүй башкы суу чарба башкармалыгында 2025-жылы курулуш иштерин жүргүзүүдө мыйзам бузуулар аныкталды. Бул тууралуу 16-октябрда Башкы прокуратура билдирди.

Анда сметалык наркты негизсиз жогорулатуу, ошондой эле бетон пайдубал-тирөөчтөрдү куруу боюнча аткарылган иштердин актыларына иш жүзүндөгү көлөмдөрүнө туура келбеген маалыматтарды киргизүү фактылары аныкталган.

Натыйжада мамлекетке 2 миллион сом өлчөмүндө зыян келтирилген.

Аталган факт боюнча Кылмыш-жаза кодексинин 337-беренеси (Кызмат абалын кыянаттык менен пайдалануу) менен кылмыш иши козголуп, тергөө амалдары жүргүзүлүүдө.

Автор: Айжанар Рыспек кызы
Фото: интернеттен алынды