Кыргызстандык балбандар эркин күрөш боюнча Түркияда өтүүчү эл аралык мелдешке катышат. Бул тууралуу бүгүн, 5-февралда аталган спорт түрү боюнча федерациядан билдиришти.
Маалыматка ылайык, мелдеш 15-16-февраль күндөрү Стамбул шаарында Европанын, Дүйнөнүн жана Олимпиаданын чемпиону Яшар Догунун жаркын элесине арналат. Анда Кыргызстандын желеги астында 6 балбан килем үстүнө чыгат.