Президент Ноокен жана Майлуу-Суунун тургундары менен жолугушуу өткөрдү

Бүгүн, 23-октябрда президент Садыр Жапаров Жалал-Абад облусуна болгон иш сапарынын алкагында Ноокен районунун жана Майлуу-Суу шаарынын тургундары менен жолугушту. Бул тууралуу "Ынтымак Ордодон" билдиришти.

Маалымдалгандай, мамлекет башчы аймактарды өнүктүрүү, өнөр-жайды калыбына келтирүү жана инфраструктуралык долбоорлор жөнүндө айтып берген. Ошондой эле Ноокен районунун бюджети 2021-2025- жылдар аралыгында 659 миллион сомго, ал эми Майлуу-Суунун бюджети 119,3 миллион сомго өскөнү маалым болгон.

Жолугушуунун соңунда президент тургундардын суроолоруна жооп берди.

Автор: Луиза Анатаева