Караколдо 530 ипотекалык батирдин курулушу ноябрда аяктайт (видео)

Каракол шаарында "Хан-Теңири" турак жай комплексиндеги курулуштун экинчи этабында 530 ипотекалык батир ноябрда пайдаланууга берилет. Бул тууралуу бүгүн, 28-октябрда президенттин Иш башкармалыгынан билдиришти.

Маалыматка ылайык, президенттин иш башкаруучусу Каныбек Туманбаев курулуш иштеринин жүрүшү менен таанышып, жооптуу кызматкерлерге иштерди белгиленген мөөнөттө сапаттуу аяктоо боюнча тапшырмаларды берди.

"Жалпысынан "Хан-Теңири" турак жай комплексинин долбоору 69 турак жай блогунан турган 3430 батирди камтыйт. Өткөн жылы комплекстин биринчи этабында 420 батир пайдаланууга берилди. Комплекстин аймагында мектеп жана 2 бала бакча куруу каралган",- деп белгиленет маалыматта.