Экс-аким 2032-жылкы президенттик шайлоого талапкер болом деп чыкты

Оштун Ноокат районунун мурдагы акими Данияр Шейшеканов кийинки президенттик шайлоого катышуу ниети бар экенин билдирди.

"Мен кийинки президенттик шайлоого катышам. Ошол шайлоодо утуп чыгам. Анан колдогондор да, колдоого албагандар да кубанасыңар. Натыйжалуу иштөөнүн, адилеттүү башкаруунун, таза саясий күрөштүн эң жогорку планкасын мен орнотом",- деп жазды ал соцтармактагы баракчасына.

Айта кетсек, президенттик шайлоо 2027-жылы январь айында өтмөкчү. Учурда үч жаран талапкер болуу үчүн БШКга арыз жазды. Мыйзамга ылайык, утуп чыккан жаран беш жылдык мөөнөткө президенттик кызматты аркалайт. Демек, кийинки президенттик шайлоо 2032-жылы өтүп калат.

Автор: Кылымбек Бейшеев