Кечээ, 7-ноябрда Бишкектин Биринчи Май районундагы имараттардын биринен 2005-жылы туулган медициналык окуу жайдын студентинин сөөгү табылды. Бул тууралуу шаардык милициядан билдирди.
Маалым болгондой, ал 28-октябрда үйүнөн чыгып кеткенден кийин дайынсыз болуп жаткан. Алдын ала маалымат боюнча, денесинде көзгө көрүнгөн жаракаттар жок. Жанынан дары-дармектер жана чоң атасына жазылган коштошуу каты табылды.
Учурда өлүмдүн себебин аныктоо үчүн соттук-медициналык экспертиза дайындалып, тергөө иштери жүргүзүлүүдө.