Бишкектеги Гоголь жана Токтогул көчөлөрүнүн кесилишинде жаан жаап жатканына карабай асфальт төшөө иштери жүргүзүлүп жатканы социалдык тармактарда сынга кабылды.
Видеонун автору 10-ноябрда саат 20:00 чамасында видео тартып, жумушчулар асфальтты суу болгон жолго, көлчүктөрдүн үстүнө төшөп жатышканын билдирип нааразы болду.
"Бул жөн гана жоопкерчиликсиздик эмес, технологияны түздөн-түз бузуу. Мунун кесепетинен жолдо чуңкурлар пайда болуп, асфальт тез эскирет. Андан кийин Бишкек мэриясы кайрадан жолду оңдоого каражат издөөгө аргасыз болот",- деп жазган ал.
Азырынча бул боюнча Бишкек мэриясынан түшүндүрмө бериле элек.