АКШнын катардагы жоокери коргоо министрине катуу эскертүү берди (видео)

АКШнын коргоо министри Пит Хегсет жубайы жана жогорку даражалуу кеңешчилери менен белгисиз жоокердин күмбөзүнүн алдында сүрөткө түшүп жатканда топтун ичинен кимдир-бирөөлөр катуу сүйлөшүп, күлүп жибергени видеого түшүп калган.

Бул окуя Арлингтон көрүстөнүндө ардагерлер күнүнө арналган аземден кийин болгону маалым болду.

Мемориалды күнү-түнү кайтарган ардактуу кароолдун жоокери дароо токтоп: "Бул жерге келгендердин баары ар дайым тынчтыкты жана урмат-сыйды сактоого милдеттүү",- деп эскертүү берген.

Бул окуядан кийин социалдык тармактардын колдонуучулары Хегсет өз кызматына татыктуу эмес деп айтып чыгышты.