Бүгүн, 16-ноябрда мэр Жанар Акаев “Ош-Тазалык” муниципалдык ишканасына жаңы атайын техникаларды жана жабдууларды тапшырды. Бул тууралуу мэриядан кабарлашты.
Маалым болгондой, иш-чарага Европа биримдигинин өкүлчүлүгүнүн кызматташтык бөлүмүнүн башчысы жана тиешелүү ишканалардын өкүлдөрү катышты.
"Жаңы техникалар Европа реконструкциялоо жана өнүктүрүү банкынын колдоосу менен гранттык негизде алынды. Анын ичинде 1 экскаватор-жүктөгүч, 3 таштанды ташуучу унаа, 8 куб метрлик 6 контейнер, таштанды ныктай турган "GYL" үлгүсүндөгү техника, атайын сыйымдуулук жана керектүү тетиктер бар",- деп кошумчалады мэрия.