Бишкектин Свердлов районунда бала кезинен биринчи топтогу майыптыгы бар, туруктуу кароого жана көзөмөлгө муктаж адамдарды багып жаткан жарандарга азык-түлүк жардамын көрсөтүү улантылууда. Бул тууралуу бүгүн, 18-ноябрда мэриядан кабарлашты.
Маалыматка ылайык, бул демилге Бириккен улуттар уюмунун программасынын алкагында ишке ашырылууда.
"Жардам алуучуларга ун, өсүмдүк майы жана буурчак камтылган азык-түлүк топтомдору берилүүдө. Аталган иш-чара өзгөчө камкордукка жана туруктуу жардамга муктаж жакындарына күн сайын кам көрүп келген жарандарды колдоого багытталат",- деп кошумчалады мекеме.