Ош шаарында Барпы Алыкулов атындагы жаңы мектеп жакын арада пайдаланууга берилет. Бул тууралуу бүгүн, 18-ноябрда Курулуш министрлиги билдирди.
Маалыматка ылайык, президент Садыр Жапаровдун тапшырмасы менен курулган төрт кабаттуу, беш блоктон турган мектеп эки нөөмөттө 2500гө жакын окуучуну кабыл алат. Анда заманбап окуу класстары, лабораториялар, китепкана, ашкана, жыйындар жана спорт залдары каралган.
Мындан тышкары, окуучулар үчүн ыңгайлуу шарт түзүү максатында мектепке заманбап парталар жана окуу эмеректери орнотулганы маалымдалды.