Америкалык блогер жана мушкер Жейк Пол UFC уюмунун мурдагы чемпиону Хабиб Нурмагомедовго октагонго кайтып келүүнү сунуштады. Эки мушкердин жолугушуусун чет элдик басылмалар жарыялашты.
Белгилүү болгондой, мушкерге кайрадан беттеш өткөрүү үчүн 200 миллион доллар сунушталган. Бирок Хабиб бул сунушту кабыл алган жок.
"Жок, эмне үчүн кайтып барышым керек? Күчтүү каршылаштар жок, бирок акча бар. Ал эми акча мен үчүн мотивация эмес",- деп жооп берди.
Эске салсак, Хабиб Нурмагомедов 2020-жылы профессионалдык карьерасын аяктаган. Ал UFC уюмунда бир да жолу жеңилүү ызасын тартпай, чемпиондук наамын сактап калган.