Биз социалдык тармакта

Бензин жана дизель майынан түшкөн салык 10 миллиард сомго өстү

Бүгүн, 19-ноябрда Мамлекеттик салык кызматында бензинди жана дизель майын милдеттүү маркалоо долбоорунун жыйынтыктары талкууланды. Жыйынга "Учкун" ачык акционердик коому жана Сингапурдун "Nanolumi Pte Ltd" компаниясынын өкүлдөрү катышты.

Маалыматка ылайык, 2025-жылы маркаланган бензин жана дизель майынын көлөмү 2023-жылга салыштырмалуу 30,7 пайызга өскөн. Ал эми мунай сатуучу ишканалардан түшкөн салыктык төлөмдөр 2024-жылга салыштырмалуу 10 миллиард сомго көбөйгөн.

Ошондой эле 2025-жылы салык органдары күйүүчү майдын маркаланганын текшерүү боюнча 95 миң 85 текшерүү жүргүзгөн.

Эске сала кетсек, Министрлер кабинетинин 2024-жылдын 4-июлундагы токтомуна ылайык, 2024-жылдын 1-октябрынан тартып өлкөдө бензинди жана дизель майын милдеттүү маркалоо киргизилген. Маркалоо "Учкун" ишканасы тарабынан "Nanolumi Pte Ltd" компаниясынын технологиясы менен жүргүзүлөт.

РУБРИКАДАГЫ СОҢКУ КАБАРЛАР
Архив
Комментарийлер (0)
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан