Босния жана Герцеговина. Жумушсуздар экономикалык кырдаалды жөнгө салуу талабы менен митингге чыгып, мамлекеттик имараттар өрттөндү

Босния жана Герцеговинанын борборунда жумушсуздар экономикалык кырдаалды жөнгө салуу талабы менен митингге чыгып, мамлекеттик имараттар өрттөнүүдө. Бул тууралуу чет элдик басылмалар жазып чыгышты.

7-февралда миңдеген демонстранттар президенттин сарайын курчап, күйүүчү зат куюлган бөтөлкөлөрдү ыргытышкан. Президенттик сарай бир нече саат күйүп, аны өчүрүүгө бир топ убакыт кеткен. Ошондой эле Тузла жана Мостар шаарларынын аймактык администрациясынын имараттары өрттөнгөн.

Күч органдары Өкмөт үйүнө чабуул жасаган элдин бир бөлүгүн токтотууга жетишкен. Ошол эле күнү кечке жуук өлкөнүн борбору Сараево шаарында күч органдары менен жаштар калып, алардын ортосунда да чыр чыккан. Полиция кызматкерлеринин да, демонстранттардын ичинен да ондогон жаран жаракат алган.

Өткөн жумада башталган акция алгач тынчтык мүнөздө өтүп жаткан. Демонстранттар өкмөттөн өлкөдөгү экономикалык кырдаалды жөнгө салууну талап кылышууда. Босния жана Герцеговинада жумушсуздук 40 пайызды түзгөн. Нааразылыктар мамлекеттик компаниялардын ишин токтотконунан жана акыркы убактарда ишканалардын сатылып кеткенинен улам чыккан.

Жекшембидеги митингде кырсыктар жана жабыркагандар болгон эмес. Өлкө башчы Живко Будимир жарандардан баш аламандыкты токтотууну суранды.

Укук коргоо органдары тарабынан “имараттарды күйгүзүүнү уюштургандар” деген шек менен 10 катышуучу кармалган. Бирок миңге чукул тургун чогулуп, алардын бошотулушун бийликтен талап кылган. 10-февралда кармалгандардын баары эркиндикке чыккан.

Автор: Айпери Ганыжан кызы

17:23 10-02-2014

Жазылуу

РУБРИКАДАГЫ СОҢКУ КАБАРЛАР

11:40 2024-05-21 | Түркүн дүйнө

Кечээ Зеленскийдин президенттик мөөнөтү бүтмөк. БУУ анын легитимдүүлүгү боюнча үн катты 321 0

11:23 2024-05-21 | Саясат

Садыр Жапаров Талас шаарындагы аэропортту ачты (сүрөт) 309 0

11:23 2024-05-21 | Кылмыштар, кырсыктар

Баткенде аткезчилик жол менен кирген семичке товары аныкталды 130 0

11:13 2024-05-21 | Түркүн дүйнө

Иранда Ибрахим Раисинин өлүмүнө байланыштуу беш күндүк аза күтүү жарыяланды 260 0

11:02 2024-05-21 | Түркүн дүйнө

Ибрахим Раисини акыркы сапарга узатуу зыйнаты качан өтөрү белгилүү болду 503 0

10:41 2024-05-21 | Кылмыштар, кырсыктар

Ошто жөлөк пулдар муктаж эместерге берилген. Башкы прокуратура иш козгоду 347 0

Архив

Комментарийлер (1)

Raxim76

2014-02-10 18:01:42

Убагында бизде ушундай кырдаал болгондо,ошол Европа олколору,Украина бизди карангы олко деген .Эми оздоручу
Кыргыздар коп кыйынчылыка дагы чыдамкай келет экенбиз.Бизде давно жумушсуздук.

Комментарий калтыруу үчүн өз ысымыңыз менен кириңиз же каттоодон өтүңүз.