Ички иштер министрлиги: Учурда кылмышкерлердин арасында "жасалма оорукчандар" көбөйдү

Бүгүн, 11-февралда маалымат жыйынында Ички иштер министрлигинин басма сөз кызматчысы Жоробай Абраимов "учурда Кыргызстанда жана башка өлкөлөрдө кылмышкерлер психиатриялык ооруканалардан алган "акыл-эсинен жабыркандыктан, аракетке жөндөмсүз" деген маалымдама менен жаза өтөбөөгө аракет кылышат" деп билдирди.

"Маселен, Боомдогу кылмышка шектүү Заур Магомедов Кызыл-Жардагы психиатриялык ооруканада дарыланып жаткан учурда да кылмыштуулук менен алектенип жүргөн. Ал 2013-жылы шериги менен кылмышка барып, тапкан 50 миң долларына БМВ үлгүсүндөгү унааны сатып алган. 2014-жылдын 9-февралында Караколдо пландалган кылмышы ишке ашпай калып, Бишкекке бара жатканда жол-кайгуул кызматкерлери менен акыркы окуяларга туш болгон",- деди Жоробай Абдраимов.

КРнын Кылмыш-жаза кодексинде "кылмыш иши козголгондон кийин медициналык экспертиза өткөрүлөт" деп белгиленген. Эгер экспертизанын жыйынтыгында кылмышкер акыл-эсинен жабыркаган болсо, ал психиатриялык ооруканадан дарылоого жөнөтүлөт. Ага байланыштуу кылмыш иши токтотулат.

Эскерте кетсек, 9-февралда саат 17:00 чамасында Тоң районунун Көк-Мойнок айылында күч органдары тарабынан BMW үлгүсүндөгү унаа токтотулган. Бирок алар ага болбой качып кетишкен. Милиция кызматкери менен жол-кайгуул кызматкери аларды кууп барып токтотушканда, BMW унаасынын ичиндеги белгисиз адамдар аларга ок чыгарышкан. Натыйжада бирөөсү каза болуп, экинчиси жараат алган. Кылмышка шектелгендердин унаасынын дөңгөлөгү жарылып калгандыктан, ошол эле жерден башка Ауди үлгүсүндөгү унааны тапанча менен коркутуп токтотушуп, айдап качып кетишкен. 10-февралда алар Токтогул шаарынан чыга бериш жердеги “Бабур” кафесинин жанында өлтүрүлгөн.

Автор: Нургазы Аматов

16:27 11-02-2014

Жазылуу

РУБРИКАДАГЫ СОҢКУ КАБАРЛАР

10:51 2025-05-10 | Коом жана турмуш

"Ала-Тоо" аянтындагы Жеңиш күнүнө арналган концерт дрон-шоу менен коштолду (видео) 40 0

10:46 2025-05-10 | Түркүн дүйнө

Пакистан Индияга каршы ири масштабдагы аскердик операциясын баштады (видео) 153 0

10:00 2025-05-10 | Коом жана турмуш

Бишкекте Жеңиш күнүнө арналган концертте Дима Билан өзгөчө чыгышы менен элди таң калтырды (видео) 483 0

09:56 2025-05-10 | Саясат

Садыр Жапаровдун Орусияга болгон иш сапары аяктады (видео) 300 0

09:39 2025-05-10 | Кылмыштар, кырсыктар

Ноокаттагы спорттук иш-чара массалык мушташка айланды (видео) 814 0

09:18 2025-05-10 | Коом жана турмуш

Улуу Жеңиштин 80 жылдыгына арналган концерт Орусиядан келген ырчылардын коштоосунда өттү (видео) 380 0

Архив

Комментарийлер (8)

KGZ_777

2014-02-11 16:53:24

Oshoda kylmywty kylgandan kiin ushitip ele psih,jindi bolup chyga kelishetta.Akcha,taanyshtyn kuchu m.n.Dagy jakshy Boomdogu kylmyshkerler olturulup jazalaryn alyshty,olboi kalyshsa dagy sotton ushintip psih,kele soo chalysh degen shyltoo m.n jazasyn albai kalyshat bele,kim bilet....

toobaldaru

2014-02-11 17:00:08

Кылмышты кылганга мээлери жетип,акча топтоого мээлери жетип,машина алганга башы иштеп жаткан кылмышкерлерге "оорулуу" деп жазадан куткаруунун жолун таап бергендерди Гиппократтын анты урсун!!!

Medina95

2014-02-11 17:36:52

"оорукчан" деп кылмышкерлерди этегне жашырып жаткандардын артын жакшылап казыш кереек да,коррупцияга чомуп кеткендер ошентет. Акматбек Келдибеков да куландан соо журуп эле,ооруп СИЗОго баргысы келбей калды,эн оор кылмышкер Батукаевди да "оорулуу" болчу деп шылташты.Эми муну да ошентип...

infiniti

2014-02-11 17:44:21

Баары эле оорукчан. Деги эле соо адам калбагандай.))

baktiyar73

2014-02-11 18:05:38

оорукчандарды тезирээк чыгарыш керек, болбосо олуп калат. Турсунбек мырза жакшы диагноз койот андайларга. Йиххууу...!

samat-91

2014-02-11 18:06:03

кавказдык чычым го

Stalker-007

2014-02-11 18:47:29

Ошончолук эле жинди,псих болуп калса кылмышкер "оорукчандарды"жиндикана ачып дарылаш керек.

barsa1984

2014-02-12 06:15:58

Болуп эле келген корунуш да,эмнеси жанылык.? Чиновниктерибизди деле камап койгондо, же кылмыш ишин ачып баштаса эле "ооруп" калып жатпайбы

Комментарий калтыруу үчүн өз ысымыңыз менен кириңиз же каттоодон өтүңүз.