Кыргызстанда “Шабдан баатыр” аттуу тарыхый роман жарык көрдү

Кыргызстанда “Шабдан баатыр” аттуу тарыхый роман жарык көрдү. Китептин автору - Жогорку Кеңештин депутаты Каныбек Иманалиев. “Шабдан баатыр тууралуу мындан 100 жыл мурун, 1913-жылы алгачкы китеп жазылган. Мен ишенем, 100 жылдан кийин да менден күчтүүрөөк кылып дагы бирөө жазат. Себеби жакшы адам жөнүндө сөз түгөнбөйт. Мен жаңы эч нерсе жараткан жокмун, эл арасында айтылып, жазылып жүргөн маалыматтарды гана иреттеп кагазга түшүрүп, кайра элге тартуулап жатам”,- деди автор.

Китептин бет ачарына Жогорку Кеңештин депутаттары, өкмөт өкүлдөрү, Шабдан баатырдын урпактары жана чыгармачыл интеллигенция катышты. Жаңы чыгармага мактоолор, сындар айтылды.

Автор: Автандил Добулбеков