Сокулук районунда бычак менен коркутуп, 17 миң сом уурдаган жаран кармалды

Сокулук районунда 17 миң сом уурдаган 20 жаштагы жаран кармалды. Бул тууралуу бүгүн, 19-декабрда Чүй облустук ИИББдин басма сөз кызматы билдирди. 2012-жылдын октябрь айынын соңунда Чүй облусунун тургуну, 18 жаштагы кыздын үйүнө белгисиз 3 адам кирип, бычак менен коркутуп, 17 миң сомун жана уюлдук телефонун уурдап кетишкен. Тиешелүү чаралар көрүлгөн соң аталган кылмышка шектүү делип 3 адамдын бири кармалып, учурда сурак берүүдө. Ал эми калган 2 адам издөөдө.

Автор: Айдай Асанбекова