Томас Андерс, Лара Фабиан сыяктуу дүйнө жылдыздары Борбор Азияда концерт тартуулашат

Сүйлөшүүлөр Томас Андерстин продюсери Лутц Райнер Сейдел аркылуу жүзөгө ашып жатат.

80-жылдардагы эң атактуу топтордун бири "Modern Talking" тобунун аткаруучусу Томас Андерс менен... "Томас мага өзүнүн коллекциясынан бриллиант көздүү саат белек кылды. Жооп иретинде мен кыргыздын улуттук музыкалык аспаптарынын бири ооз комузду тартуу кылдым",- дейт.

Үстүбүздөгү жылдын апрель айынан тарта белгилүү дүйнө жылдыздары Стас Михайлов, Томас Андерс, Тото Кутуньо, Лара Фабиан, Мустафа Сандал жана "Bаскstreet boys" тобу Борбор Азияда концерттерин тартуулашат. Бул тууралуу бүгүн, 24-февралда кыргызстандык продюсер Ислам Сатаров SUPER.KG порталына билдирди.

Эл аралык "Attack concerts" продюсердик компаниясынын мүчөсүмүн деген Ислам Сатаровдун айтымында, жогоруда аты аталган атактуулардын катышуусундагы концерттерди Борбор Азияда уюштуруу үчүн 2 жылдан бери даярданып, сүйлөшүүлөрдү жүргүзүп келишкен. “Бул өтө жоопкерчиликтүү иш. Концерттердин үзгүлтүккө учурап калбоосу үчүн абайлап иш кылуудабыз. Белгилүү "Modern Talking" тобунун аткаруучусу Томас Андерстин концерти боюнча сүйлөшүүлөр бүтүп, 3-майда Бишкекте өткөрүү тууралуу чечимге келдик”,- дейт ал.

Андан тышкары продюсер 15-мартта белгилүү түркиялык ырчы Мустафа Сандал менен маданий иш-чараларды уюштуруу максатында Кытайга, жолугушууга жөнөй турганын кошумчалады. Бул тууралуу ал: “Сүйлөшүү ийгиликтүү аяктаса, Мустафа Сандалдын концерти июнь же сентябрь айында Бишкекте өтөт. Андан тышкары Москвада да уюштуруу планы бар. Негизи, түрк ырчысы КМШнын аймагында көбүнчө жабык кечелерде гана ырдап, жеке концертин дээрлик берген эмес”,- дейт.

Эске салсак, мындан туура 2 жыл убакыт мурун Ислам Сатаров кыргыз элине өзүн "белгилүү "Танхам" аттуу ырдын автору Раминмин" деп тааныштырып, ырдап жүргөн жигит менен иштешкен. "Супер-Инфо" гезити Кыргызстандагы Иран Ислам Республикасынын элчилигинен сураштырып, өзүн атактуу ырчы катары тааныштырган Расул Хейр Абадинин Рамин Монтазериге эч кандай тиешеси жоктугун, атүгүл ал жигит ырчы да эмес экендигин тактаган.

Автор: Максат Кудайбердиев

15:04 24-02-2014

Жазылуу

РУБРИКАДАГЫ СОҢКУ КАБАРЛАР

21:30 2025-05-03 | Коом жана турмуш

Жеңиш майрамына карата 8-9-май күндөрү борбордогу бир катар көчөлөр жабылат 431 0

20:24 2025-05-03 | Кылмыштар, кырсыктар

Ошто букмекердик иштерди мыйзамсыз жүргүзүүгө шектелгендер кармалды (видео) 771 0

18:42 2025-05-03 | Кылмыштар, кырсыктар

"Батирлерин сатып". Бишкекте ири алдамчылыкка шектелгендер кармалды 1190 0

17:27 2025-05-03 | Коом жана турмуш

"Генерал айтты да, аны аткарды". Өмүрбек Бабанов Ташиевге ыраазычылык билдирди (видео) 4511 1

17:03 2025-05-03 | Түркүн дүйнө

Зеленский Путин сунуштаган 3 күндүк ок атышпоо сунушуна макул эместигин билдирди 2207 0

16:12 2025-05-03 | Түркүн дүйнө

Орусияда мышык эки аялды балконго камап салган (видео) 2110 0

Архив

Комментарийлер (3)

alhimic

2014-02-24 19:44:24

Ислам ийгиликтерин кут болсун,Кыргызстанды гулдото бер. Сага ишенебиз.Молодец.

semakg

2014-02-25 05:36:07

Ооба Ислам озу бир аз жалганчыраак эле эми кандай болот экен бул сапар..

alhimic

2014-02-25 16:12:11

жалганчы дегенинизге караганда , Исламды коро албастардын бироосу окшойсуз. Оюнуз туз эмес экени корунуп турат. Суротторду дагы фотошоп деп чыкпасаныз эле болду... :) Биз билгенден ал дуйно ырчылары менен коп иштешешет. Ийгилик каалайм Ислам, Сатаровдун ырлары да сонун.Билети канчадан экенин айтып койгулачы ???

Комментарий калтыруу үчүн өз ысымыңыз менен кириңиз же каттоодон өтүңүз.