Депутаттар муфтияттагы ажылык сапарды уюштуруу маселесин кайрадан карап чыгууну сунуштоодо

ЖКнын 20-декабрдагы жыйынында депутат Төрөбай Зулпукаров ажылык зыяратындагы көйгөйлөргө токтолуп, ажылык сапарды уюштуруу боюнча өкмөткө караштуу атайын кызмат түзүү демилгесин көтөрдү.

"Жогорку Кеңеш мыйзам менен ажылык сапарды уюштурууну муфтиятка өткөрүп берген. Бирок акыркы күндөрү муфтиятта бул маселе боюнча чыр болууда деген сөздөр көп айтылууда. Ошондуктан бул маселени кайрадан карап чыгуу керек. Болбосо, азыркыдай эле ажылыкты уюштуруу иштерин муфтиятка калтырып, бирок туристтик фирмалар аркылуу тендер аркылуу жүргүзүү зарыл", - деди Зулпукаров.