Талас.“Балдарга камкордук - эртеңки келечегибиз” аттуу отурум болуп өттү

19-декабрда өкмөттүн Талас облусу боюнча ыйгарым укуктуу өкүлчүлүгүнүн имаратында “Балдарга камкордук - эртеңки келечегибиз” деген ураандын алдында түзүлгөн кеңешме комитетинин отуруму болуп өттү. Ага өкмөттүн Талас облусунун ыйгарым укуктуу өкүлүнүн орун басары Рыскелди Ботиков, райондун акимдеринин орун басарлары, социалдык өнүгүү бөлүмдөрүнүн башчылары, райондук элге билим берүү жетекчиликтери жана ички иштер бөлүмүнүн өспүрүмдөр менен иш алып баруу инспекциясынын жетекчилери катышты. Кеңешмеде мүмкүнчүлүгү чектелген балдарга, жарым жетим, томолой жетимдерге жардам көрсөтүү менен мектеп рэкетчилигин алдын алуу жумуштарынын жүрүшү такталды.