Депутаттар Эсептөө палатасынын төрайымынын 2011-жылга карата отчётун канааттандырарлык деп табышты

Депутат Улукбек Кочкоров Эсептөө палатасынын төрайымынын отчётун канааттандырарлык эмес деп чечим кабыл алуу керектигин айтты. Анын айтымында, парламенттеги депутаттардын 80 пайызы бул органда коррупциялык мыйзам бузуулар бар экенин айтып жатышса, канааттандырарлык деп табуу туура эмес. Ал эми айрым депутаттар "бул 2011-жылдын отчёту, ал эми Эльмира Ибраимова Эсептөө палатасынын төрайымдыгына жакында эле келди" деп буга каршы чыгышты. Жыйынтыгында депутаттардын көпчүлүк добушу менен палата төрайымынын отчёту канааттандырарлык деп табылды.