Ырчы Эмил Балтагулов: “АКШдагы куттуу ай Мавлид-Ан-Наби майрамында ыйман ырларын аткардык”

Бүгүн, 28-февралда SUPER.KG порталына ырчы Эмил Балтагулов “АКШдагы куттуу ай Мавлид-Ан-Наби майрамында ыйман ырларын аткардык” деп билдирди. Анын айтымында, элди ынтымакка чакырган ырларын төкмө акын Жеңишбек Жумакадыр да аткарып катышкан.

“Чикаго, Сан-Франциско, Лос-Анжелес шаарларында Мухаммед пайгамбарыбыздын урматына арналган куттуу ай Мавлид-Ан-Наби майрамына Жеңишбек агам экөөбүз ыйман ырларын аткарып катыштык. "Мавлид-Ан-Наби" программасы - жаштарды тартиптүү жүрүүгө, ыйман жолунан чыкпай, ынтымактуу болууга чакырган иш-чара. Америкадагы мекендештердин суранычы боюнча Нооруз майрамын да ушул жакта өткөрүүгө даярданып жатабыз”,- деди ал.

Ошондой эле Нооруз майрамы Вашингтон, Нью-Йорк, Чикаго шаарларында өтөрүн кошумчалады.

Автор: Айпери Ганыжан кызы