«Тамашоу» Лигасынын Ак калпак кубогу үчүн таймашын "Одноклассники", "Айымдар" курама командалары баштады

Калыстар тобунун мүчөлөрү

Бүгүн Кожомкул атындагы Спорт Ордосунда «Тамашоу» Лигасынын Ак калпак кубогу үчүн таймашы башталды. Кубок үчүн мелдешке «Моника Беллуччи», «Тамадалар» курама тобу, Ош мамлекеттик университетинин «No name» командасы, КВНчилердин «Патриоттор» курама тобу жана "Тамашоунун" жаштар курама тобунан турган 5 команда ат салышмакчы.

Калыстар тобунун мүчөлөрү режиссёр Рысбек Жабиров, стилист Замира Молдошева, ырчы Урмат Усенов, SUPER.KG порталынын директору Бактыгүл Сокушова, кармаш-уруш боюнча Дүйнө чемпиону Улан Эралиев, ырчы Омар, юрист Жоомарт Жолдошов болмокчу. Бүгүнкү оюндун демөөрчүсү Аскар Салымбеков алгач бардык кыргызстандыктарды Мамлекеттик туу жана Ак калпак күнү менен куттуктап, катышуучуларга ийгилик каалады. Мелдештин байге фонду 200 миң сомду түзөт.

Таймаш "Тамашоу" Лигасынын 6-сезонунун оюнчуларынан куралган "Одноклассники", "Ала-Тоо", "Айымдар" жана башка командалар баштап беришти.

Автор: Айпери Ганыжан кызы