Бишкекте ден соолугунун мүмкүнчүлүгү чектелген балдардын катышуусунда кайрымдуулук концерти өтөт

14-март күнү Бишкектеги Кожомкул атындагы Спорт Ордосунда ден соолугунун мүмкүнчүлүгү чектелген балдардын катышуусунда “Үмүттүн керемети” аттуу кайрымдуулук концерти өтөт. Бул тууралуу “Бакыт нуру” коомдук фондунун өкүлдөрү билдиришти.

Иш-чаранын максаты - коомдун ден соолугунун мүмкүнчүлүгү чектелген балдарга болгон көз карашын өзгөртүү. Концертте балдар өздөрүнө таандык ырларды аткарып, бийлешет.

Мындан сырткары кыргыз эстрадасынын жылдыздары сахнада өнөрлөрүн тартуулашат. Иш-чарадан чогултулган каражат балдардын дарылануусуна сарпталат.

Автор: Айпери Ганыжан кызы