13-мартта Москвадагы Кино үйүндө “жолдош Суховду” акыркы сапарга узатуу зыйнаты өтөт

Анатолий Кузнецов

Анатолий Кузнецов. "Турецкий гамбит" тасмасынан көрүнүш

Анатолий Кузнецов

«Белое солнце пустыни» тасмасынан көрүнүш

13-мартта Москвадагы Кино үйүндө «Белое солнце пустыни» тасмасынан кийин “жолдош Сухов” деген ысым менен белгилүү болгон Анатолий Кузнецовду акыркы сапарга узатуу зыйнаты өтөт. Бул тууралуу Орусиянын Кинематографисттер союзунан маалымдашты. Актёрдун сөөгү Новодевичье көрүстөнүнө коюлары белгилүү болду.

2014-жылдын 7-мартында узакка созулган оорусунан улам Анатолий Борисович Кузнецов көз жумган. 83 жашында дүйнө салган актёр өмүрүндө 100дөн ашуун тасмада роль жараткан. Анын «Битва за Москву», «Участок», «На углу, у патриарших», «Мосгаз», «Турецкий Гамбит», «Горячий снег» аттуу тасмалардагы образдары артисттин профессионалдуулугуна далил боло алат.

Автор: Айпери Ганыжан кызы