Бишкекте Өзбекстандын жараны уурулукка шектелип кармалды

Бишкекте уурулук фактысы боюнча Ташкент шаарынын жашоочусу кармалды. Бул тууралуу бүгүн, 12-мартта Бишкек ШИИББинин басма сөз кызматы билдирди.

Маалыматка ылайык, милиция бөлүмүнө Бишкектин 49 жаштагы тургуну арыз менен кайрылган. Арызында ал дем алыш күнү үйүнө бейтааныш адамдар уурулукка кирип, акчасын жана зер буюмдарын алып кетишкенин маалымдаган.

Жүргүзүлгөн ыкчам иликтөө иштеринин натыйжасында жогорудагы кылмышка шектелип 24 жаштагы Ташкент шаарынын тургуну кармалган. Алдын ала алынган маалыматтарга караганда, шектелген адамдын дагы бир нече уурулук фактысына катыштыгы бар экендиги аныкталган.

Автор: Дамира Арстанова