Ош облустук прокуратурасы мыйзамсыз паспорт берүү фактысы боюнча кылмыш ишин козгоду

Ош облустук прокуратурасы мыйзамсыз паспорт берүү фактысы боюнча кылмыш ишин козгоду. Бул тууралуу Башкы прокуратуранын басма сөз кызматы бүгүн, 12-мартта билдирди.

Маалыматка караганда, 2013-жылдын декабрь айында Өзбекстандын жаранына Кыргызстандын паспорту мыйзамсыз берилген.

Учурда Мамлекеттик каттоо кызматынын алдындагы Жарандык актылардын абалын жана калкты каттоо департаментинин тез документтештирүү бөлүмүнүн башчысына “кызмат абалынан кыянаттык менен пайдалануу”, “кызматтык жасалмачылык” беренелери боюнча кылмыш иши козголуп, тергөө амалдары жүрүп жатат.

Автор: Бекжан Рыскулов