Адилет министрлигинин кызматкери "дүкөн тоноду" деп айыпталууда

КРнын Адилет министрлигинин кайтаруу жана конвоирдөө департаментинин улук кызматкери Бишкек шаарында азык-түлүк дүкөнүнүн ээсин коркутуп, тоногон деп айыпталууда. Бул тууралуу Бишкек ШИИББи билдирди. Маалыматка ылайык, милицияга арызы менен шаардагы "Темирлан" дүкөнүнүн ээси кайрылып, 25-30 жаштардагы белгисиз жаран аны бычак менен коркутуп, дүкөндөн азык-түлүк көтөрүп кеткенин айткан. Арыздын негизинде милиция кызматкерлери жогоруда аталган министрликтин 27 жаштагы кызматкерин кармашты. Кылмышка шектүү жаран убактылуу кармоочу жайга киргизилип, тергөө иштери жүрүүдө.

Автор: Автандил Добулбеков