УЕФАнын Чемпиондор Лигасында “Барселона” менен ПСЖ чейрек финалга чыкты

ПСЖ былтыркы ийгилик кайталап, чейрек финалга катары менен чыгып отурат.

53-мүнөт. Лавессинин голу менен эсеп 2:1 болду. ПСЖ кайрадан алдыга чыкты.

28-мүнөт. Германиялык клубдун жарым коргоочусу Симон Рольфес 11-метрлик айып соккусун голго айланта алган жок.

"Байердин" артыкчылыгы көпкө созулган жок. 13-мүнөттө Маркиньос оюн эсебин теңеди.

ПСЖ-"Байер" беттешинин 6-мүнөтү. Сэм эсепти ачты.

Испаниялык клуб чейрек финалга жолдомону алгачкы оюнда эле камсыздап койгон. Эми клуб 21-мартта кийинки баскычтагы атаандашынын ысымы менен таанышат.

90-мүнөт. Дани Алвес "Барселонаны" кайрадан алдыга сууруп чыгып, өз үйүндө тең чыгуудан сактап калды.

89-мүнөт. Коноктордун капитаны Винсан Компани оюн эсебин теңеди. Бирок, алдыга чыгуу үчүн бул убакыт өтө эле кеч болуп калган.

78-мүнөт. "Манчестер Ситинин" коргоочусу беттеш калысы менен каршы пикирде болгону үчүн экинчи айып кагазын алып, майдандан четтетилди.

Лионель Месси бул мелдеш алкагында сезондогу 8-голун жаратты.

67-мүнөт. Месси оюн эсебин ачып, команданы кайрадан алдыга сууруп чыкты.

"Барселонанын" бразилиялык чабуулчусу Неймар майданда активдүүлүгүн көрсөттү.

Аргентиналык футболчулар Лионель Месси менен Серхио Агуэро топ үчүн күрөштө...

Кечээ, 12-мартта орун алган УЕФАнын Чемпиондор Лигасынын жарым чейрек финалынын жооптук оюндарынын жыйынтыгында каталондук “Барселона” менен ПСЖ чейрек финалга чыкты. Бул тууралуу УЕФАнын расмий сайты билдирет.

Маалыматка ылайык, “Барселона” өз үйүндө англиялык “Манчестер Ситини” 2:1 эсебинде утуп алды. Алгачкы оюн да 2:0 эсебинде каталондук клубдун жеңиши менен аяктаган эле (жалпы эсеп 4:1).

“Барселона” (Испания) – “Манчестер Сити” (Англия) - 2:1 (алгачкы оюн 2:0)

Голдор: Месси (67-мүнөт), Компани (89-мүнөт), Даниэл Алвес (90-мүнөт).

Ал эми Парижде өткөн оюнда ПСЖ өз үйүндө германиялык “Байерди” кабыл алып, 2:1 эсеп катыштыгында жеңиш ээси болду. Франциялыктардын биринчи оюнда конокто 4:0 эсебинде жеңгенин эске алсак, бул оюн көптү чечкен жок.

ПСЖ (Франция) – "Байер" (Германия) – 2:1 (алгачкы оюн 4:0).

Голдор: Сэм (6-мүнөт), Маркиньос (13-мүнөт), Лавесси (53-мүнөт).

Кошумчалай кетсек, чейрек финалдык жолдомолорго азырынча “Бавария” (Германия), “Атлетико” (Испания), “Барселона” (Испания), ПСЖ (Франция) клубдары ээ болду. Чейрек финалга чыга турган 8 команда толугу менен 19-мартта белгилүү болуп, 21-мартта Ньон шаарында чүчү кулактын негизинде атаандаштарын табышат.