Бишкекте бюджети 155 000 долларды түзгөн “Сүйүү жазы” тасмасынын бет ачары болуп өттү (фоторепортаж)

Актёр Марат Алышбаев эгемендүүлүк жылдарынан бери кыргыз-казак мамилесин чагылдырган мындай тасма болбогонун айтып өттү.

Бакыт Мукулдун айтымында, бул тасма актёрлорго жакшы киреше алып келди. "Эми башка тасмаларга өз талаптарын каалашынча коё берсе болот" дейт ал.

Тасмага катышкан чыгармачыл топ. Тасманын саундтрегин аткарган Нурболот Теңизбек да күбө болду.

Актёр-актрисалар сахнага чакырылып, четинен тааныштырылды.

3 той менен тасма аяктады.

Казакстандан Карлыгачты издеп келген жигит акыры куру кол кайтпай, апасын келиндүү кылат.

Бул кырдаалды жөнгө салган карт бойдок кызын турмуш жолуна узатып, куда да тосуп, кудагыйына үйлөнгөнгө да жетишет.

Апасын алып Кыргызстанга жөнөйт. Бирок өз уулуна келин алам деп келген эне өзү көшөгөгө отуруп калат. Анткени Карлыгач карт бойдоктун уулу экени, боз бойдок болсо карт бойдок сүйүп жүргөн айымдын уулу экени ачыкка ошондо гана чыгат. Эне бул кырдаалды "тагдырдын тамашасы" деп түшүндүрөт.

Боз бойдок Алматыда Карлыгач аттуу кыз менен таанышып калат. Бирок түшүнбөстүктөрдөн улам таарынышып кетишет да, кыз кичи мекени Чолпон-Ата шаарына жөнөйт. Боз бойдок аны издеп келип жолугат да, баш кошууга көндүрөт.

Бул агенттикти жетектеген айымдын уулу. Тагыраак айтканда, боз бойдок. Анын карт бойдок (Күмөндөр) менен тааныштыгы бар.

Ага ыр арнап, гүл көтөрүп үйүнө барып, айтор, сүйүүсүн тапкандай болот.

Карт бойдок агенттиктердин бирине кайрылып, өзүнө ылайыктуу жар издеп жүрөт. Көп өтпөй агенттикти жетектеген айым менен таанышып, сүйлөшүп калат.

Күмөндөр Абыловдун Казакстандан келген досу, демөөрчүсү...

Тасманын демөөрчүлөрүнүн бири Карганбек Самаков кыргыз менен казактын тарыхы, маданияты окшош болгону менен, саясатында айырма бар экенине токтолду. Бул тасма кыргыз-казак достугун арбытарына токтолуп өттү.

КРнын Маданият, маалымат жана туризм министри Султан Раев Күмөндөр Абыловдун эмгегине зор баа берди.

Алгач Күмөндөр Абылов сөз алып, тасмага келгендерге ыраазычылык билдирип өттү.

Тасманын жаратуучулары алгач Казакстандын чек арасынан конокторду тосуп келип, анан кинотеатрдын алдына түшүштү.

Иш-чара саат 14:30га белгиленгени менен, 15:00дө башталды. Муну Күмөндөр Абылов "кыргызчылыкты эске алып, чакыруу баракчасына 14:30 деп жазгам" деген тамашасы менен түшүндүрдү.

Бишкекте 13-мартта “Сүйүү жазы” лирикалык комедиясынын бет ачары болуп өттү.

Ага коомдук ишмер, ЖКнын депутаты Карганбек Самаков, КРнын Маданият, маалымат жана туризм министри Султан Раев жана Күмөндөр Абыловдун бул тасмага демөөрчүлүк кылган казак досу, тартуучу топ, чыгармачыл топ жана сыйлуу коноктор келишти.

Тасманын жаратуучусу Күмөндөр Абыловдун айтымында, лирикалык тасманын сценарийи Кадырбай Мамбетакуновдун “Боз бойдок” чыгармасынын негизинде иштелип чыккан. Анда кыргыз менен казактын биримдиги кенен чагылдырылган.

Ал эми Күмөндөр Абыловдун иниси Бакыт Мукулдун айтымында, тасма Бишкекте, Чолпон-Ата шаарында жана Алматыда тартылып, 155 000 доллар каражат сарпталган. Ал тартуу учурунда күнүнө актёрлорго 2000 сомдон 200 долларга чейин төлөнүп турганын жашырбайт.